Periuseq najoqqutallu

Immikkoortumi matumani saqqummersitami periutsit aallaavigineqartut kii­salu najoqqutat atorneqartut saqqummiunneqarput.

 

Nunani allani niuerneq pillugu kisitsisitigut paasissutissanik katersineq Namminersorlutik Oqartussat Akitsuuseriffiannit Aalbogimiittumit isumagineqarpoq. Tamanna paasissutissani ataaniittuni takuneqarsinnaavoq:

 

Kalaallit Nunaata nioqqutissanik eqqussuinera:

 

1.    Danmarkimi annissuineq pillugu aaqqissuussat malillugit Danmarkip Kalaallit Nunaanut nioqquteqarner

2.    a pillugu paasissutissat tiguneqartarput.

3.    Namminersorlutik Oqartussat Akitsuuseriffiata Danmarki aqqutigalugu nunani allanit Kalaallit Nunaata nioqqutissanik eqqussuinera pillugu paasissutissat katersortarpai, Danmarkimi avammut niuerneq pillugu paasissutissat tamakkiisut tunniunneqanngikkaangata (nunanit allanit aqqusaa­runneqartut, tassunga ilanngullugu Kalaallit Nunaannit akiligassat).

 

Kalaallit Nunaata avammut niuernera:

 

1.    Namminersorlutik Oqartussat Akitsuuseriffiata avammut nioqquteqarner­mut atatillugu, tamatumanilu Danmarkip avataani nunani allani nioqqutissanik tigusisussanut paasissutissat tamakkiisumik katersortarpai, kiisalu avammut kalaallit tunisassiaannik pingaarnernik niuernermi umiarsuakkut Danmarkimi tigusisussanut. Tassani pineqarput Akitsuuseriffiup aalajangersagaani kapitalit uku ataaniittut nioqqutissat. 2, 3, 5, 15, 22, 23, 25, 26, 41, 43 aamma 51.

2.    Avammut niuernermi danskit nioqqutissanik tigusisussanut paasissutissat danskit nioqqutissanik eqqussuineq pillugu aaqqissuussinerannit pineqartarput, tamatumani Oqartussat Akitsuuseriffia paasissutissanik katersuineq ajorpoq.

 

Danmarks Statistikip Kalaallit Nunaata nunanut allanut niuernera pillugu naatsorsuinerit Naatsorsueqqissaartarfimmut nassiuttarpai, taakkulu tunnga­vigalugit kisitsisitigut paasissutissat makku suliarineqartarput. Kalaallit Nunaata nunanut allanut niuernera Danmarks Statistikimi tunngaviit atorneqartut assigalugit suliarineqartarpoq.

 

Naatsorsueriaatsit pillugit paasissutissat erseqqinnerusut saqqummiussamut Nunanut allanut niuerneq Akiliisarnerullu naligiissinnera – Najoqqutat periusillu 2012 Danmarks Statistikimeersut.